Lucia Santucci

Citer ce document : Mattei, Julian; Menozzi, Petru Santu, Lucia Santucci, Médiathèque Culturelle de la Corse et des Corses, consulté le 22 novembre 2024, https://omekas.histolab.fr/s/fr/item/1759

Signaler une erreur ?

Titre : Lucia Santucci

Description : Uriginaria di u Niolu, Lucia Santucci campa in Parigi fin’à l’anni settanta nanzu di vultà si ne in Corsica induv’ellu sparte a so vita trà piaghja è muntagna chì campa trà u paese di Luri in Capicorsu è u so paese nativu di Corscia. Stitutrice di furmazione, po ispetrice di l’Educazione naziunale, hà sempre cercatu à assucià l’educazione cù l’adopru di a lingua corsa. Cunnisciuta prestu prestu à l’epica di u Riacquistu per a so puesia fine, fece assai traduzzione di pueti strangeri cum’è Lorca ind’è a rivista Rigiru è publicò unepoche di nuvelle ind’è l’opere cullettive cum’è A prosa face prò… (1997) o Parulle di donne in lu 1993. Dopu à parechje publicazione spaperse caccia in lu 1980 una prima racolta di puesie infigurate intitulata Sogni di dissegni, nanzu chì a maiò parte di i so puemi fussinu ripigliati ind’è l’antulugia D’oghje sì, d’odiu nò (1996). U so impegnu per l’emancipazione di a donna si ritrova in a so opera cù a forza di u simbulismu è un’indiatura feminista. Cù a so puesia cunnisciuta assai, Sò tessuta, s’accorge omu chì una donna hè messa in risaltu è vene cum’è ripresentativa di tutte e donne di u mondu. A so scrittura muderna palesa u sbucinà di una vita di donna per via di una fiura chì face a leia di u nustrale è di l’universale. Dice ancu l’autore chì « essendu donna e cose si facenu senza avè ne cuscenza ». In lu 2013, face esce u so ultimu librettu di puesie corte, Spechji, ind’è l’edizione À Fior’di carta in Barrettali induve si ritrova a sensibilità di una penna ghjusta capace à dì a vita di una donna à traversu ogni spechju di u so cutidianu. Riferenze bibliugrafiche : Sogni di dissegni, Bastia, 1980. Santacroce, Aiacciu, Albiana, 2008. Sittembrinu, Barrettali, À Fior’di carta, 2009. Spechji, Barrettali, À Fior’di carta, 2013.

Discipline : Littératures

Type : Textes imprimés

Collection : Puntelli per l'Antulugia Nova di a Literatura Corsa (ANLC)

Créateur : Mattei, Julian; Menozzi, Petru Santu

Date : 1938

Langue : Corse

Licence : Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

Puntelli per l'Antulugia Nova di a Literatura Corsa (ANLC)

Cette collection rassemble des fonds d’archives consacrés à la production littéraire corse d’hier et d’aujourd’hui. Par littérature corse, il faut entendre un corpus protéiforme...
Sonia Moretti
Giuseppe Maria Giacobbi
Tumasgiu Pasquale Peretti