1. Home
  2. Puntelli per l'Antulugia Nova di a Literatura Corsa (ANLC)
  3. Ghjuvan Ghjaseppu Franchi
Previous document Next document

Ghjuvan Ghjaseppu Franchi

Cite this document : Mattei, Julian, Ghjuvan Ghjaseppu Franchi, Médiathèque Culturelle de la Corse et des Corses, consulted on 17 juillet 2025, https://omekas.histolab.fr/s/en/item/2188

Report an error?
Title : Ghjuvan Ghjaseppu Franchi
Description : Uriginariu di u paese di Lopigna in a Cinarca, Ghjuvan Ghjaseppiu Franchi hè statu prufessore di lettere muderne po bibliutecariu è ducumentalistu. Direttore di a rivista literaria Rigiru da u 1984 à u 1988, ci publicò da u 1975 i so scritti puetichi è in prosa. Cù a so puesia fine è rimarcata dete qualchì fogliu di a so produzzione per u gruppu Canta u Populu Corsu, cum’è Isula Stranu Cuntinente o puru Festa zitillina. Impegnatu assai per a prumuzione di a lingua corsa, hà travagliatu cù u Centru Regiunale di Ducumentazione Pedagogica (CRDP) di Corsica è hà cacciatu duie antulugie pedagogiche  nantu à i testi in prosa è in puesia in l’anni noventa. Cullaburò ancu à parechje publicazione cullettive cum’è per un dettu A prosa face prò…(1997) In lu 1981 Ghjuvan Ghjaseppiu Franchi caccia E Fole di Mamma, una racolta di raconti tradiziunali trasmessa da a contadora «  Mamma » chì, dice l’autore, « esce tuttu da una casa, a nostra ». Una lascita casana, cù fole è stalbatoghji, raconti è strufulette induve ci entrenu ricordu è fideltà. Dice u scrivanu in u so prefaziu « Oghje a lascita tocca à noi è tramanda a vulemu, per via d’avella ricivuta ». Primurosu di fà vede chì a lingua corsa era ch’ella capace à alzà si à u livellu di a literatura stragnera, fece ancu un’adattazione in corsu di Knock, sicondu l’opera di Jules Romains, in lu 1988. U so interessu per u mondu di l’altrò hè ancu rimarcatu in a so scrittura cù per un dettu u so puema Vis Cosmica, a spressione di una sperienza esistenziale marcata da a storia di l’omi è da l’universalità. In lu 1992 face esce à La Marge a so racolta bislingua di nuvelle, Isulitudine è altri scritti.   Riferenze bibliugrafiche : E Fole di mamma, Aiacciu, Cyrnos et méditerranée, 1981. Forme è primure di a puesia d’oghje, Aiacciu, CRDP di Corsica, 1992. Isulitudine, Aiacciu, La marge édition, 1992. Canzone di ciò chì passa, Aiacciu, CRDP di Corsica, cull. L’ammaniti, 1997. Prosa d’oghje, Aiacciu, CRDP di Corsica, 1998.
Discipline : Littératures
Type : Textes imprimés
Collection : Puntelli per l'Antulugia Nova di a Literatura Corsa (ANLC)
Creator : Mattei, Julian
Date : 1943
Language : Corse
License : Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International, à la condition expresse de citer l’institution de conservation et l'identifiant de la ressource comme suit : « Médiathèque Culturelle de la Corse, [identifiant de la ressource] ».

To explore this collection further

See all documents

Add a comment

Je suis d'accord avec les conditions d'utilisation et j'accepte de publier sous les termes de la licence CC BY-SA.

Comments

No comment yet! Be the first to add one!