10:88:8827

soustenir en estat les maisons et estaulz où la dicte foire se tient, et nous tous les autres prouffiz et emolumens, qui aussi nous vaidraient bien on temps advenir chascun an soixante livres ou environ, et à présent ne nouvalent que vingt-cinq livres. Pourquoy nous vous mandons et commectons que se appelé nostre Procureur en vostre Seneschaussée, il vous apport suffisamment de nostre prauffit et austres choses dessus dictes, que vous la dicte foire, qui vouloit estre par les dicts deux jours, sept entre deux, faictes auir et tenir par troys jours continuels et commancés chascun an, le lundi après la feste de sainct-Denys, comme dit est, en la ville de Poitiers, en l'herbergement du dict chevalier appelé les dictes Halles, en la manière que dessus est dit ; et en ce cas, données-en voz lectres au dit chevalier, scellées du [illisible] de vostre Séneschaucie, les quelles nous conformerons par les nostres toutes les fois que nous en serons requis ; car ainsi le voulons nous estre fait et l'avons octroié de grâce spéciale.

Donné a Paris, le XVI jour de décembre, l'an de grâce mil troys cent quarante et sept.