4:50:4371

- Merdidi, d'imp-ni lavaret Pelec'h fenoz a vank cousked Hac ar verdidi a lare Da dud al lestr eno neuze: - N'hano Doue, mar hon c'hredet, Fenos da Rochel n'efomp ket Ar Seren hi deuz canet skler, Ha na gan met an drouc amzer. Jouan ar Bornic a laras d'ar verdidi, pa ho c'hlewas : - Cano ar seren pa garo, Da Rochel fete ni yelo Da Rochel a c'hefomp fete, Met laret a ve gant Doue.

X

Arri al lestr creiz ar rec'hel Zouden a zawas an awel Hag hep dale stokas ar c'heïn Gant eur vrud euzus war ar veïn.

Ma carje Eroan ar Bornic Bea zentet ouz ar Petît, ha béa troc'het ar wern vraz Hellent cavet ho buhe c'hoaz.

War benn eun ter heur goude-ze N'oa ibil er lestr na grene; War benn eun ter heur, pe war dro A zawe 'n dour war ar poncho.