4:50:4368

108 Da Vari Penhuel p'hi zalude : - Bonjour Mari ar Penhuel, Me a ya breman da Rochel ! (bis) Da wid ar gwin ken dous ha mel. Da choas gwin gwenn ha gwin claret, Ma dous Mari, wit hon eured. Mari Penhuel respontas Da Jouan ar Bornic p'hen c'hlewas : - N'hano Doue, mar am c'heret, Ar veaj man na néet ket. Na neet ket gant al lestr man Da Rochel ar véaj kentan. - Drouc pe vad gant nep a vezo Da Rochel allas ! me yelo. Choaset zo martoloded mad, Prometet on d'he gant ma zad Ha pa hoëssen ha dour ha goad Na dorin ket lavar ma zad

IV

Jouan ar Bornic a lare Da Jouan ar Petit, an noz-se : - Jouan ar Petit, ma mignon ker, Groa moyen ma chomin er ger. Me'mo dit eun habit newe Ar c'haera vo bars er c'hontre Hag a nefo paramanchou a gousto dec pistol ho daou.